我的寶貝已經1歲了!!

久不久就會入來這個博客, 回顧一下自己過去幾年所發生的事, 每件事都像昨日發生一樣, 點點滴滴都令人回味著....特別是看到自己當年是多麼的想有自己的寶寶, 不但去看中西醫調理身體, 又去做了2次人工受孕, 結果都是白做的.....一直未能如願...終於在放棄的幾個月後, 上天就給我最寶貴的禮物, 我發現我懷孕了, 當然既驚又喜, 而且初期懷孕有太多事情都不知如何處理, 但身邊人的鼓勵及問候實在令我感到溫暖!!

懷孕的初期, 因為一直看不到閃閃, 導致要不斷抽血檢查, 一時又說已流產了, 一時又說我有甲亢, 所以未看到BB心跳, 當時好唔開心, 點解又要比我, 又要拿走呢？﹗但當然到最後什麼事都沒有發生, 除了妊娠糖尿要營養師跟進飲食之外, 其他如唐氏、結構一概沒大問題, 所以在39週的產檢日, 突然被推到產房去, 被4-5位姑娘包圍, 什麼都沒說就開始換衫, 收走我的個人物品, 然後見到醫生的時候, 就已經說:「你要催生啦」當時心想, 什麼都沒準備, 如何生呢？最重要老公也不在, 我如何支持下去, 結果不停讓姑娘給我打個電話, 一來要打回家報平安, 二來要打給準爸爸過來陪產, 經過18小時的陣痛, 終於順利誕下這位小寶貝, 是位男孩, 皮膚黑黑的, 重6.7磅, 他很快就安排伏在我的身上, 近距離給我們作親子互相, 這一刻看著這位小天使, 我已開心到不能說話了﹗

不經不覺過了一年, 我這位小寶貝已1歲了, 他是個好動愛玩的小伙子了!! 媽媽希望你能夠健康快樂, 自信滿滿地成長!!

2017 新的開始

實在想不到, 相隔3年我還會用得著這個格部落, 現在的年輕人都轉用FACEBOOK及IG, 但因為要找一些關於投資的資料, 結果發現, 原來網絡上猛人如雲, 真的大開眼界, 學到唔少野。

過去幾年間實在發生太多太多事情, 有開心的, 有驚喜的, 亦有失意的同傷心的, 但都成為過去了, 新一年希望繼續開開心心, 一家人身體健康, 幸福快樂地生活下去!!!

其實「開心幸福」說來容易, 但要應付生活及工作的種種壓力及負擔, 小朋友成長的開支, 不得不捱下去, 但當我看到大家都在追求財務自由, 我又好像看到曙光, 原來通過審慎的投資理財計劃, 是有機會增加自己的財富, 所以為了追求這個財務自由, 是時候增潤一下自己的財務知識, 不竟十多年來一直埋頭苦幹, 只為升職, 加薪, 只對自己的本業花時間, 其他的事從不上心, 亦不感興趣。

最近看到幾個格部落, 其中一位說, 每一個人到了一定的時間, 應該在工作以外找一些興趣去擴濶自己的視野, 對工作也會有幫助, 所以我在找尋興趣既同時, 又讓我看到另一樣事情, 原來投資初哥應從自己最熟識或有興趣的行業開始; 自己正正對美容扮靚最在行, 亦一直有留意, 為何不從這個美容零售業作起點呢？

以上的契機令我更有動力去開始, 加上說了行就不會停, 立即去買了一本不離地的投資理財書籍, 兩天就看完了, 發現原來自己真的有興趣於價值投資這方面, 所以我給了自己一個短期目標, 希望2017可以學到更多理財知識, 更會找出優質股作為合自己的投資組合, 我不是要大富大貴, 只想靠這個組合, 成為兒子的大學基金, 減輕家庭負擔, 等將來大家都可以輕鬆一點就足夠了!!!

既然有方法, 有目標, 我就要認真去學習理財, 要學習投資, 我要先從美容行業開始, 一邊扮靚一邊睇年報 (哈哈哈哈)!!

中醫調理不可少

想生BB的準媽媽，一定會做好功課，搵中醫師調理好身體，我也不例外

尤其是我之前4次IUI 及1次IVF都失敗

我停了9個月，比自己休息下，周圍去旅行去玩

唔想令到自己太崩緊，日日胡思亂想 (去到快痴線的地步@#Z#)

今年2月我的公家症終於排到了，估唔到咁就等左3年 (公家症內容下一篇再詳談)

既然公家症的期都到了，我都係時候調理好自己的身體喇﹗

之前試左咁多個醫師，呢位醫師最有耐性，有問必答，
她實在似一位媽媽多過一位中醫師，但係她比較崇尚自然療法的，
她的藥單永遠只會有7-8味藥，唔會太複雜

又會教你回家煲養生湯水，唔會叫你食貴藥材!

預到排卵期又會建議你做針炙(一次約$240)，我好鐘意呢度，煲藥速度又夠快，好多時做完針炙就有藥拎，唔會等好耐，呢度既梳化位又舒服又有WIFI (好似講到去嘆世界咁~嘻嘻)

重點係價錢，1日藥$70(連煲藥)，醫生費$120，如果有滙豐信用咭仲有95折優惠
大醫院裡的中醫部，乾淨企理，咁既價錢好合埋!!

我自己覺得，中醫調理身體可以係好漫長的事，所以除了時間，錢都要量入而出，現在每月大約1千蚊，等如買支靚少少的精華素咁上下，皮膚要補，身體就更加要補

不論係咪想生B，女人都應該對自己好啲、愛自己多啲﹗

 最後送上醫師給我的養生三豆烏梅湯 (可以一星期飲兩三次，月經期間暫停)

食譜及做法超簡單，適合男女老幼及特別性急的女性
 大家一齊加油~

PS: 這個一定要熱飲的，所以煲好後最後放入保溫杯，隔一陣又飲幾啖，好似飲熱茶咁。 

曼谷食不停

曼谷係我每年必去旅行地方，這裡有我最愛的SPA，泰式食物同埋可以放肆咁shopping (這個是重點吧！）所以2013年的生日決定要去一個熱辣辣的地方慶生，今一篇先介紹一下最常去的餐廳，記錄所有令人回味的食物！

第一次去這間出名的建興食咖哩蟹，但很失望，價錢比較貴，而且味道很一般，不值得等位一小時！但要特別贊這個特式生蝦，用上6款不同配料一起吃，比單夾蒜片更多層次！炸蝦丸也可以一試！

說到最愛的泰菜，不能不提唐人街的T&K ，海鮮生猛新鮮，價錢對對便宜，格局有點像香港的大排檔！

曼谷有好多大型商場，單是Central 入面就有各式各樣的菜式，遍佈整個商場頂層，大大小小的餐廳我想好想去試，雖然是商場裡的餐廳，但價錢依然親民，一頓午餐，兩個人都是HK$100左右，單是環境裝修已經值回票價！

商場內仲有好多雪糕店，甜品店，Cafe都好旺場，款款食物都賣相精緻，點解香港無呢類店架呢？呢個係農場牛奶制的芝士蛋糕，一盒4個迷你裝，可以一次過試齊幾個味道！（瘋狂增肥之旅.......）

還有這間是食的地方，我地每人食一個，其實兩個人叫一份是剛好的，但味道太多真忍不住，要每人叫一款試試！

真的還是假的？

過了Due Day已經3天，亦即係放胎後第17天。 琴晚的起心肝，用之前卜友(傻婷)送的好孕紅D，好奇怪琴晚同今朝都有反應，但唔深色只有2-30%，即係代表咩呢？是不是有希望呢？定還是係塞藥影響到呢？

自我調理-健康人生

寫呢個題，可能好多人會以為我參加了健康食品的傳銷員，或是想介紹什麼減肥方法，大家放心，我完全無時間去做呢啲大生意，我只係一個想生仔的C9，呢個目標從未想過放棄，當然今次IVF失敗，令我更明白，基礎未打隱，如何起高樓呢個道理，醫生跟我分析，我D卵的質素麻麻地，打左針雖然都谷到21粒，但大部份都係空心，成不到肧胎，所以根本自身都有問題，可能營養不夠，其實不夠原因可能係我食無定時，所以今日突然諗番起之前中醫師講過，身體的五藏六腑係需要講求平衡和諧，我係屬於性急型，成日諗到乜野就要衝去做，而且好易忟憎，所以醫師話條氣好易打亂，提我要多啲深呼吸，唔好成日咁緊張，呢位中醫師曾經係一位護士，所以對人工受孕都好認識，但她是不贊成我去做IVF的，她始終覺得對身體的傷害比較大。

但我自己覺得，其實IVF真係幫到我，只要有恆心調理番好個身體，我相信係會成功既！所以今次我要利用呢個平台，好好督促自己，養番好個身子。

1）飲食均衡 2）作息定時 3）適量運動 4）少憂慮 5）多想正面的事

日日記錄5個重要的事項

睡眠時間：一定要早睡（目標是晚上11點前）
運動時間：每星期3次，每次30分鐘（要輕微出汗，有心跳加快為合適）
忌吃食物：生冷食物及飲品，煎炸野 （如有食過就要記錄）
唔開心的事：如果有發生唔開心的事，要寫出黎，然後同自己講，take it easy!!!

由今天開始要向自己的身體負責任！！！

又開始美好的一天

經過節日的洗禮，心情而回復愉快輕鬆，除左食同shopping就係瞓覺。仲買左我最愛的馬卡龍來鼓勵下自己（想食就乜野都有藉口）

M小姐今早已經現身，其色可其恐怖，深啡色，而且好多血塊，我諗都應該既，不竟身上曾經用過咁多藥物，希望今次可以清晒佢。各位卜友，美好的一天開始，我們繼續並肩作戰！

FET 正式結束!

可能已經有經歷，個人都淡定啲，決定今晚買支cb電子棒棒驗多次，又清楚準確又可以慳番驗血錢，哈哈（呢個時候係要贊下自己，平衡一下心理，勿見怪！）

9月2日放胎，今日已經係16日，正式宣佈FET失敗。

聽日係中秋節，比自己一個大吃大喝的機會，全部都食得！！！

失眠夜

昨天對結果仍好冷靜，看似無事的如常上班，沒有多去想，只是姑娘打來問結果，我輕輕答佢“失敗了”，佢話未來M就繼續塞藥，又話有人的hcg因為濃度唔夠，所以用尿液係check唔到，叫我等多幾日再check，我即時又好似有少少希望咁。

M小姐請你不要來，我真的希望阿b只係生長比其他人慢，過兩天可以驗到你的存在吧！

為你失眠的一個晚上 04：25am

揭曉

今日已經係放胎後的Day15預料之內，食白果。

雖然好多JM都話，紅D有少少線都係有機的，只要有水狀分泌都係Bingo的先兆，我只能夠說有任何特徵都無用，只要個天覺得你未係時候，你就註定要等。

開彩前一天

終於等左13日，呢13日心情都算好輕鬆，周不時摸住個肚同BBs傾下偈，但當個肚有少少反應的時候，所有神經都觸動晒，老實講，我呢10幾日都無懷孕初期的徵兆，無胸漲，無發熱，無想嘔，只有水狀分泌，體溫有算係高溫位，所以我自己的信心真係50/50，希望聽日有好消息啦！

抽旦日

抽旦日

文章日期：07/09/2013 07:24 pm

由聽講座到見醫生，再到開針藥，直至到今日真係感觸良多，我今年33歲由28歲開始想要個b，到而家就5年喇，一直都無諗過自己要行IVF呢條路，希望呢條係出路啦！

講番今日抽旦的點滴，我自己覺得好順利，上到去唔洗等就準時入手術室，換3上床等醫生，一切都好好，我見到麻醉師係好高大靚仔，佢講解過程同風險後我已經不醒人事，期間老公就黎交精兵，到醒番姑娘已經話帶緊老公入黎陪我，原來都做左成粒鐘，我以為係30分鐘內既事。。。其實全身麻醉都好既，瞓醒一覺就攪掂晒，姑娘話比我聽抽左15粒晅，聽日就知旦旦結合成點，同埋要睇埋子宮有無刺激過度，如果順利，肧胎又乖乖地，星期四就可以放胎喇!!!!

不過呢度好特別，唔係塞白色波波丸增加內膜厚度，而係一支gel，聽朝就可以用!!!

加油啊！

Tulip at 07/11/2013 04:12 pm comment

抽完蛋之後我都痛左成日呀, 當晚連沖涼都沖唔到, 卷埋一舊先瞓到, 希望你放胎順順利利 ^^

Tulip at 07/12/2013 10:28 am reply

唔緊要啦, 等子宮回復最好狀態放胎就一定掂呀, 加油呀 !

Mrs Fung at 07/11/2013 05:34 pm reply

無得放胎啦，有積水要下個cycle先再放胎

choi wan at 07/10/2013 08:19 pm comment

飲水啊，飲多d 會舒服點，不論有幾怕去廁所都好，飲水會令你快d 復元排清d針藥。姑娘說要飲2-3litre 水。

傻婷 at 07/10/2013 02:45 pm comment

放鬆心情!!!!!!等你好消息!!!!

fishbb at 07/10/2013 02:21 pm comment

我未試過塞波波丸, 都係用GEL或塞陰丸. 痛就休息下啦, 吾好咁操勞~

蝦佬太太 at 07/10/2013 10:41 am comment

我同你同年o架, 哈哈~~ 抽完蛋要食多d蛋白!

Mrs Fung at 07/10/2013 11:18 am reply

知道!!

Jampig at 07/10/2013 09:17 am comment

抽完蛋唔好做咁多粗重耶，休息多D，養好身體ready for放胎。你個肚仲有無痛啊？

Jampig at 07/10/2013 03:51 pm reply

我果時行行下覺得痛要即刻停低咖。小心D，唔好周圍去喇。

Mrs Fung at 07/10/2013 11:20 am reply

特別去小便時, 扯住扯住痛。坐係度時都好啲, 行路果陣又係陣陣痛!!!

Jampig at 07/10/2013 10:58 am reply

我之前抽完蛋後兩日個小腹都有D抽住抽住痛，唔緊要嘎，動作輕D小D，好快唔痛嘎喇

Mrs Fung at 07/10/2013 10:38 am reply

我估唔到抽完蛋係肚係咁痛架.......嗚嗚

choi wan at 07/10/2013 04:12 am comment

休息多d, relax... 抽完蛋身體好傷，食多d 野補身

Mrs Fung at 07/10/2013 11:20 am reply

YES madam!!!

小太太Ivy at 07/09/2013 07:56 pm comment

打氣

放胎上集

放胎上集

文章日期：07/11/2013 05:11 pm

見到呢個題都知會有下集出現，無錯今日放唔成功，原因有2個:

1. 因為ohss肚裡面有積水，所以今次唔適合放胎(所以係咩grade我都無問)
2. 但估唔到抽左15粒旦，只有5粒，但醫生話有兩個質素好差，雪都唔建議，所以7除8扣得番3個胎，隨時解凍有閃失，得番一個，所以今次IVF都只係得1個機會，連做FET都無喇，而家唯有抖抖，希望下個cycle順利同Bingo啦!

東南 at 08/25/2013 03:06 pm comment

未見你寫下集嘅?咩情況呀?

東南 at 08/28/2013 07:06 pm reply

係就好啦

choi wan at 08/26/2013 06:38 am reply

我都想知, 難道已經到了"不能說的秘密"?

Jampig at 07/31/2013 02:36 pm comment

你幾好嗎？準備幾時放胎啊？

Jampig at 08/09/2013 01:40 pm reply

加油，好好休息！

Mrs Fung at 08/01/2013 04:45 pm reply

今個月又要休息, 下個cycle應該可以放胎

Tigger at 07/18/2013 05:39 pm comment

你只需要一個英雄! 要對佢有信心啊~

Tulip at 07/17/2013 10:04 am comment

飲多D水會舒緩OHSS, 下個CYCLE 努力呀, 支持你 ^^

Many at 07/16/2013 10:25 am comment

加油AR~ 放鬆下抖抖~ 希望下個CYCLE一TAKE OK!

Mi Mi吉 at 07/15/2013 03:04 pm comment

oh ..咁咪等下次lor，唔等都等咗咁耐lor..

Jampig at 07/14/2013 09:25 pm comment

我上次抽左23個卵，都系得6個成功受精同分裂。唔好失望喇，好多耶我地控制唔到，放松心情等待下次放胎喇！我上次抽完卵後狂飲寶礦力，好好彩無OHSS，你都試下飲喇，仲要吃多D蛋白質的食物

東南 at 07/14/2013 03:47 pm comment

oh..唔梗要啦，可能政府係咁，耍好靓先會要所以得返咁小，可能下次一次搞掂雪咗都用唔著呢

choi wan at 07/13/2013 11:06 pm comment

你老公有冇驗精，咁少受精卵既？

周師奶 at 07/13/2013 11:02 pm comment

ohss, 飲蛋白粉啦!

choi wan at 07/13/2013 10:49 pm comment

要飲多d水先會減少ohss 機會，一開始姑娘就叫我飲2-3L 水，飲左起碼個肚冇咁脹先

傻婷 at 07/12/2013 11:46 am comment

唔好急! 等身體準備好先放啦!!! 加油! 加油!

fishbb at 07/12/2013 09:14 am comment

OH ~ 下集等你好消息呀. 解凍又未必3個都吾OK呢. 對你有信心呀~~

FET 之準備

FET之準備

文章日期：08/26/2013 03:07 pm

每一次寫標題都會諗, 乜原來我已經行左咁漫長既路, 由IUI到IVF, 再到而家的FET, 每次都諗自己應該呢步係最後一步, 希望可以順利接雪寶回家啦!!!

由上次7月的抽卵之後, 醫生說有積水, 同自己講下個月再開始吧

點知到下一個CYCLE番到去照, 積水依然有, 醫生又叫我抖, 我又同自己講, 唔等唔等都等左咁耐, 算啦.......又等多個月啦

終於8月16又到 Day1 我的FET要開始了...........好期待

今次見到醫生, 醫生講多左幾句, 話子宮入面好正常, 內膜都OK

所以Day5-9就開始食排卵藥....ok就可以放胎

今日已經係Day 11分泌明顯多, 但今日照完, 得1粒卵, 仲要未夠大, 唔怪得之我要做人工喇, 靠自己真係唔知等到幾時呀

醫生要確定邊日排卵, 所以今日開始一連幾日都要抽血驗LH 同E2, 好在我都有心理準備

今日可能我食定早餐, 又飲定幾杯水, 今日抽血一TAKE過, 真係快靚正

希望順利咁接走BBS回家, 直至10個月之後同大家見面!!!

周師奶 at 08/30/2013 03:20 pm comment

加油，一切順利！

蝦佬太太 at 08/28/2013 12:04 am comment

順順利利！！

Mrs Fung at 08/29/2013 10:31 am reply

多謝!

choi wan at 08/27/2013 08:49 pm comment

我都差唔多做FET,但我應該要噴鼻...流程都未知點...星期四先去醫院問 你有1粒卵都好啦,正常.我幾十小粒都冇粒正常大細,打FSH 75iu都係得5mm...要打125iu先有效...食藥我諗對我根本冇用... 我諗住fet排卵時都照做,多個機會...但唔知有咩危險...

Mrs Fung at 08/29/2013 10:32 am reply

我都會係放胎前照做, 反正都係排卵期, 咪當多個CHANCE

Jampig at 08/27/2013 06:45 pm comment

一于咁話，努力啊！

Tulip at 08/27/2013 04:19 pm comment

一切順利, 加油 ^^

Many at 08/27/2013 11:17 am comment

加油!

Mrs Fung at 08/27/2013 12:39 pm reply

些些喔!!

fishbb at 08/26/2013 05:37 pm comment

咁幾時先知幾時放蛋呀, 加油加油

Mrs Fung at 08/27/2013 12:39 pm reply

要抽幾日血驗指數, 所以未知道邊日放胎住!

傻婷 at 08/26/2013 05:06 pm comment

加油加油!

Mrs Fung at 08/27/2013 12:39 pm reply

My new Blog!!